作為母親的我，我認為我的責任是
1）保持好的親子關係
2）使他們身心健康，快樂地成長
3）提高他們的IQ和EQ，讓他們無論在學習,做人或做事上都能得心應手

做人小人仔快5歲了,每日主要做的事情是:食,瞓,玩(包括看圖書,聽歌看卡通片學英文,當然唔比佢看多過2個鐘)。她冇上過任何興趣班,亦未開始教佢認字(依家佢只係認得26個英文字母,數目字同幾個日文字),亦未開始學寫字(除咗最近佢叫我教佢寫自己的名),但係我完全唔擔心什麽起跑線問題。我只關心佢有冇足夠睡眠(每日11個鐘),均衡營養,自理能力,玩咗D咩。從佢的行為中我看到了佢的創意,相像力,好奇心(佢問我咩係行星?點解會放屁?食物吞咗之後會點?還有心臟…於是我同佢上咗幾堂生物堂😅)。亦關心她從與其他小朋友的相處中有否學會分享,忍耐,關心,自我表達,聆聽等。個人認為健康的身體,樂觀的性格才能讓她快樂地成長,將來能夠愉快地學習。除非小朋友主動要求,否則我唔認為入讀小學前需要小朋友讀書寫字或去上佢地無興趣的興趣班。在他們弓小學中期前我想我不會太在意他們的學習成績。快樂健康的童年才是成功人生的根基。