開燈

弟弟快2歲了,已識講好多野,但有時發音就唔多清楚。
弟弟:“hon don hon don”
我:〝咩話?〞
弟弟:〝hon don〃
我依然唔知咩意思,於是就問小人仔
〝姐姐,弟弟講咩呀?″
小人仔:〝弟弟話要開燈呀!〞
無錯,當我一唔明阿仔講咩,就會去問小人仔,
唔知點解弟弟講得好晤清楚時,她都聽得明。勁!

保育園

兩個小人仔平日係保育園(托兒所)做D咩?除咗食同瞓, 老師會教自理(自己著衫,著鞋,洗手,吃飯等), 做體操, 唱歌, 玩顏色, 做小手工, 整小食(無錯,2,3歲的小朋友已學整野食), 講故事，圖書就自由閱讀，又會帶佢地去散步, 欣賞花花草草, 小昆虫, 去公園玩等。我想這是小朋友應做的事。

綿花糖

今晚飯後比了一粒綿花糖比小人仔食，由於太甜，平時好少食，今次係佢人生中的第二粒。 她珍而重之地拿着，食咗一半後，老公就同小人仔講：你比弟弟咬少少啦，好唔好？ 小人仔就遞比弟弟，弟弟咬少少但又咬唔斷，於是就把剩下的都啜入口。 小人仔難以至信地望着弟弟，給他的所作所為嚇呆了。 弟弟就雙手一灘，做出“噢，無哂”的動作。 小人仔唔知點算好，那已是最後一粒了，她望着弟弟賬卜卜的嘴好一會後，竟申手去摙佢塊面，想把綿花糖支返出來。當然係唔成功啦。

母親節

今日是特別特別的日子，3年前的今日，小人仔的出生讓我當上了母親，希望她喜歡在這世上的日子，祝她身體健康，好好享受每一天。
祝大家母親節快樂！

唔好跌咗恩妍

今日同小人仔搭小巴
小人仔：摟實恩妍呀，唔好跌咗恩妍呀！

弟弟矮得得

我同小人仔講：弟弟矮得得，係冬瓜
小人仔竟答我：唔係，我先係矮duck duck，弟弟係矮瓜 -__-;
之後我叫佢食飯，佢答我：唔得呀，我做緊野， 唔得閒呀！（玩緊）